Крипто-биржалар фаолиятини амалга оширишга биринчи лицензия берилди

Ўзбекистон Республикаси Президенти ҳузуридаги Лойиҳа бошқаруви миллий агентлигидан маълум қилишларича, крипто-биржалар фаолиятини амалга ошириш учун биринчи лицензия Кореянинг “Kobea Group” компаниясига берилди.

“Kobea Group” рақамли иқтисодиётда турли ечимларни, шу жумладан блокчейн технологиясини ишлаб чиқишга ихтисослашган технологик компаниядир.

Бунда эса Ўзбекистон Республикаси Президентининг 2018 йил 2 сентябрда қабул қилинган “Ўзбекистон Республикасида крипто-биржалар фаолиятини ташкил этиш чора-тадбирлари тўғрисида”ги қарори дастуриламал бўлмоқда.