Барча янгиликлар
Божхона омборларида сақланаётган озиқ-овқат маҳсулотлари рўйхати
23 март ҳолатига кўра божхона омборларида жами 27,0 млн. долларга тенг озиқ-овқат маҳсулотлари сақланмоқда. Божхона омборларида сақланаётган озиқ-овқат маҳсулотлари иқтисодиёт тармоқлари бўйича 3,8 млн. доллар, ҳудуд корхоналари бўйича 23,2 млн. долларни ташкил этади.
Тошкент шаҳри ва вилоятларда махсус карантин объектлари қурилади
Ўзбекистонда коронавирус инфекциясининг тарқалиши олдини олиш мақсадида махсус карантин объектлари қурилади.
Коронавирус инфекцияси тарқалишига қарши қўшимча чора-тадбирлар тўғрисида
2020 йил 23 март куни Ўзбекистон Республикаси Вазирлар Маҳкамасининг "Коронавирус инфекцияси тарқалишига қарши қўшимча чора-тадбирлар тўғрисида"ги қарори қабул қилинди.
Коронавирус аниқланган шахслар билан яқин мулоқотда бўлганлар изоляторга жойлаштирилади
Коронавирусни юқтириш хавфи даражасига қараб, коронавирус аниқланган шахслар билан яқин мулоқотда ва мулоқотда бўлган шахсларга бўлинади. Коронавирус аниқланган шахслар билан яқин мулоқотда бўлган шахслар провизор госпитал ёки изоляторга жойлаштирилади. Коронавирус аниқланган шахслар билан мулоқотда бўлган шахслар уй карантинида сақланадилар.
Карантин вақтида интернет ва телефон алоқаси учун тўловлар кечикса узиб қўйилмайди
23 март куни имзоланган “Коронавирус инфекцияси тарқалишига қарши қўшимча чора-тадбирлар тўғрисида”ги Ҳукумат қарорида Интернет ва телефон алоқаси учун тўловларни ўз вақтида амалга оширмаганлик учун ўчириб қўйилмаслиги келтирилган. Шунингдек, ходимларнинг меҳнат таътилига чиқариш белгиланган.
Карантин вақтида Тошкент шаҳрига кимларнинг киришлари учун рухсат берилади
Ўзбекистон ҳудудида 2020 йил 24 март соат 00:01 дан коронавирус инфекцияси тарқалишига қарши кучайтирилган тартиб жорий этилади. Бу ҳақда 23 март куни “Коронавирус инфекцияси тарқалишига қарши қўшимча чора-тадбирлар тўғрисида” Ҳукумат қарори қабул қилинди.
Тошкент вилоятида ноозиқ-овқат бозорлари ва овқатланиш шохобчалари ёпилади
Эртадан бошлаб Тошкент вилояти ҳудудида жойлашган ва ноозиқ-овқат маҳсулотлари савдоси билан шуғулланадиган барча бозорларнинг фаолияти тўхтатилади.
Коронавирусга қарши курашда ёрдам бериш мақсадида фонд ташкил қилинди
Халқаро пресс-клуб "COVID-19"га қарши бутун дунёда олиб борилаётган кураш таҳлилига бағишланган сессияда Сенат раисининг биринчи ўринбосари Содиқ Сафоев ҳукуматга моддий ёрдам бериш мақсадида фонд ташкил қилингани ҳақида хабар берди.
Фақулотда ҳолат даврида қандай чоралар кўрилади?
Ўзбекистонда "COVID-19" коронавирус инфекциясининг республика ҳудудида тарқалишини олдини олиш мақсадида карантин эълон қилинди. Фавқулотда ҳолат даврида бир қанча эҳтиёт чоралари кўрилади. Кўрилган чораларга тўсқинлик қилганлар қонунда белгиланган тартибда жавобгарликка тортилади.
Ўзбекистонга хорижда ишлаб чиқарилган автомобилларни импорт қилиш кўпайди
Ўзбекистон январь-февраль ойларида ўтган йилнинг шу даврига нисбатан 83,9 фоизга кўп енгил автомобиллар импорт қилди.
Эртадан Тошкентга кириш ва чиқиш вақтинча чекланиши режалаштирилмоқда
24 мартдан бошлаб Тошкентдан вилоятларга чиқиш ва вилоятлардан Тошкентга кириш жамоат транспортлари учун тўхтатилади.
Тимур Ишметов ташқи қарзларни жалб қилиш учун дастлабки мулоқотлар бошланганини маълум қилди
2020 йилда бюджетни қўллаб-қувватлаш учун халқаро молия институтларининг имтиёзли кредитлари ва бошқа манбалар ҳисобидан 1 млрд АҚШ доллари миқдоригача ташқи қарз маблағларини жалб қилиш чоралари кўрилади.
Карантин қоидаларига риоя этмаганларни қандай жазо кутмоқда?
Коронавирус муносабати билан белгиланган карантин қоидаларига риоя этилишини таъминлаш юзасидан Ўзбекистон Республикасига коронавируснинг кириб келиши ва тарқалишининг олдини олиш бўйича республика махсус комиссияси мамлакат фуқароларига мурожаат қилди.
Сирдарёда савдо-логистика терминали ташкил этилади
Лойиҳани амалга ошириш доирасида 25 млн. АҚШ доллари миқдорида инвестиция киритилади.
Ўзбекистоннинг чакана савдо товар айланмаси 25,8 трлн сўмни ташкил этди
Республика бўйича 2020 йилнинг январь-февраль ойларида чакана савдо товар айланмаси 25,8 трлн. сўмни ташкил этиб, 2019 йил январь-февраль ойларига нисбатан ўсиш суръати 5,0 фоизни ташкил этди.
22 мартдан Тошкент шаҳридаги барча жамоат транспортлари тўхтатилади
Жамоат транспорти ўрнига вақтинча Тошкент шаҳар Санитария эпидемиологик осойишталик маркази томонидан махсус дезинфекция қилинган таксилар ҳаракатланади.
Ўзбекистон январь-февраль ойларида 1 млрд долларлик олтин сотди
Олтин экспорти 2019 йил январь-февраль ойларига нисбатан 1,7 фоиз ўсишни ташкил этмоқда.
Тиббиёт ниқобини ишлаб чиқариш учун лицензия талаб этилмайди
Аҳолининг саломатлигини муҳофаза қилиш учун шахсий ҳимоя воситалари билан таъминлаш ва тиббиёт ниқоби тақчиллигини олдини олиш ҳамда маҳаллий ишлаб чиқарувчиларга кенг имконият яратиш мақсадида тиббиёт ниқобини ишлаб чиқариш учун лицензия керак бўлмайди.
Президент Ўзбекистон фуқароларини мамлакатга қайтариш бўйича кўрсатма берди
160 дан ортиқ мамлакатга тарқалган коронавирус инфекцияси туфайли Ўзбекистон ҳукумати ўз фуқароларини мамлакатга олиб келиш учун чартер рейсларни амалга оширади. Ўзбекистон фуқароларини мамлакатга олиб келиш 21 мартдан амалга оширилади.
Ўзбекистон бахтли мамлакатлар рейтингида кўтарилди ва 38 ўринни эгаллади
Gallup томонидан анъанавий равишда эълон қилинадиган World Happiness Report 2020 рейтингида Ўзбекистон 153 та мамлакат орасида 38-ўринни эгаллади. Ўзбекистон МДҲга аъзо давлатлар орасида етакчиликни сақлаб турибди.
23 мартдан бошлаб Ўзбекистонда тўй ва бошқа оммавий тадбирларни ўтказиш таъқиқланади
Ўзбекистонда коронавируснинг тарқалишини олдини олиш мақсадида тўй-ҳашамлар, оилавий тантаналар ва шунга ўхшаш оммавий тадбирларни ўтказиш таъқиқланади. Бундан ташқари бир қанча объектлар ва хизмат фаолиятлари тўхтатилади.
Талабалар учун видеодарслардан иборат махсус канал ишга туширилди
Энг малакали профессор-ўқитувчилари томонидан яратилган видеомаърузалар ушбу каналга мунтазам жойлаштириб борилади.
Республикамиздаги 24/7 режимда ишловчи автоматлаштирилган валюта айирбошлаш шохобчалари манзиллари рўйхати
Марказий банк республикамизнинг айни вақтдаги ҳолатидан келиб чиқиб, 24/7 режимда ишловчи автоматлаштирилган валюта айирбошлаш шохобчаларининг манзиллари рўйхатини шакллантирди.
Пойтахтда ер нархининг минимал қиймати белгиланди
Тошкент шаҳрида ер участкасидан доимий фойдаланиш ҳуқуқининг минимал қиймати зоналар кесимида ҳамда туманлар кесими бўйича нархланади.