UzAuto Motors avtomobillarni berish vaqtinchalik to‘xtatilganini ma’lum qildi

UzAuto Motors AJ 2019 yilning 23 dan 25 dekabrigacha yangi avtomobillarni xaridorlarga berishni vaqtinchalik to‘xtatadi.

Kompaniya xabariga ko‘ra, bu avtomobillar qoldiqlarini inventarizatsiya qilish bilan bog‘liq.

Ta’kidlanishicha, inventarizatsiya kunlari davomida dilerlar tomonidan avtomobil xarid qilish uchun yangi shartnomalarni tuzish davom etadi.

Xabarda kompaniya dilerlik markazlarida inventarizatsiya tugagani haqida onlayn tartibda xabardor qilib borilishi qo‘shimcha qilingan.