Restoranlar, bozorlar, parklar sport zallari va xususiy bog‘chalar faoliyati to‘xtatiladi
Koronavirus infeksiyasining oxirgi kunlarda yuqish holati ko‘payganligi sababli respublika miqyosidagi ob’yektlar faoliyati to‘xtatildi.
2020 yil 10 iyuldan 2020 yil 1 avgustga qadar respublika miqyosida quyidagi ob’yektlar faoliyati to‘xtatildi:
- parklar va istirohat bog‘laridagi attraksionlar;
- buyum bozorlari va buyumlar savdosi bilan shug‘ullanuvchi yirik do‘konlar;
- sport zallari, fitnes klub, trenajer va basseynlar;
- tashkiliy-huquqiy va mulkchilik shaklidan qat’i nazar maktabgacha ta’lim tashkilotlari, o‘quv kurslari va har qanday to‘garaklar;
- umumiy ovqatlanish ob’yektlari (restoran, kafe, oshxona, choyxona) (yetkazib berish (keytering) xizmati bundan mustasno);
- sanatoriylar, pansionatlar, bolalar oromgohlari, mehmon uylari, plyajlar va boshqa dam olish maskanlari.
