Ресторанлар, бозорлар, парклар спорт заллари ва хусусий боғчалар фаолияти тўхтатилади
Коронавирус инфекциясининг охирги кунларда юқиш ҳолати кўпайганлиги сабабли республика миқёсидаги объектлар фаолияти тўхтатилди.
2020 йил 10 июлдан 2020 йил 1 августга қадар республика миқёсида қуйидаги объектлар фаолияти тўхтатилди:
- парклар ва истироҳат боғларидаги аттракционлар;
- буюм бозорлари ва буюмлар савдоси билан шуғулланувчи йирик дўконлар;
- спорт заллари, фитнес клуб, тренажер ва бассейнлар;
- ташкилий-ҳуқуқий ва мулкчилик шаклидан қатъи назар мактабгача таълим ташкилотлари, ўқув курслари ва ҳар қандай тўгараклар;
- умумий овқатланиш объектлари (ресторан, кафе, ошхона, чойхона) (етказиб бериш (кейтеринг) хизмати бундан мустасно);
- санаторийлар, пансионатлар, болалар оромгоҳлари, меҳмон уйлари, пляжлар ва бошқа дам олиш масканлари.
