Fuqarolar Davlat soliq qo‘mitasiga avvalgidan ko‘ra kamroq murojaat qilmoqda
Davlat soliq qo‘mitasining "Ishonch telefoni" va "Qo‘nhiroqlar markazi"ga aholidan kelib tushayotgan murojaatlar soni kamaygan. Respublikaning uchta viloyatidan boshqa hududlarga nisbatan ko‘proq murojaat tushgan.
7/24 tartibida ishlovchi Davlat soliq qo‘mitasi “Ishonch telefoni” va “Qo‘ng‘iroqlar markazi” (Call-center)ga aholidan kelayotgan murojaatlar nazoratga olinib, ular asosida o‘rganish va tegishli nazorat tadbirlari olib borilmoqda.
Davlat soliq qo‘mitasi taqdim etgan ma’lumotlarga ko‘ra, “Ishonch telefoni” va “Qo‘ng‘iroqlar markazi” (Call-center)ga kelib tushayotgan murojaatlar soni kamayib bormoqda.
Masalan, o‘tgan hafta chorshanba va payshanba (8-9 aprel) kunlari 980 ta murojaat kelib tushgan bo‘lsa, shanba va yakshanba (11-12 aprel) kunlari ular soni 761 tani tashkil etdi.
Samarqand, Qashqadaryo va Toshkent viloyatlari aholisi boshqa hududlarga nisbatan ko‘proq murojaat qilgan.
