Bosh vazir o‘rinbosari O‘zbekistonda karantinning qancha davom etishi mumkinligini aytdi

Bosh vazir o‘rinbosari, iqtisodiy rivojlanish va kambag‘allikni qisqartirish vaziri Jamshid Qo‘chqorov 15 aprel kuni bo‘lib o‘tgan brifingda O‘zbekistonda karantin bilan bog‘liq cheklov choralari may oyida ham davom etishi ehtimoli ancha katta ekanligi haqida aytib o‘tdi.

«Ikkinchi chorak biz uchun o‘ta murakkab bo‘lishi kutilyapti. Ko‘plab mamlakatlar kabi O‘zbekistonda ham karantin bilan bog‘liq cheklovlar asosan aprel oyiga to‘g‘ri kelyapti va may oyida ham davom etishi ehtimoli ancha katta», dedi bosh vazir o‘rinbosari.