Бош вазир ўринбосари Ўзбекистонда карантиннинг қанча давом этиши мумкинлигини айтди
Бош вазир ўринбосари Жамшид Қўчқоров Ўзбекистонда карантин май ойида ҳам давом этиши эҳтимоли анча катта эканлигини билдирди.
Бош вазир ўринбосари, иқтисодий ривожланиш ва камбағалликни қисқартириш вазири Жамшид Қўчқоров 15 апрель куни бўлиб ўтган брифингда Ўзбекистонда карантин билан боғлиқ чеклов чоралари май ойида ҳам давом этиши эҳтимоли анча катта эканлиги ҳақида айтиб ўтди.
«Иккинчи чорак биз учун ўта мураккаб бўлиши кутиляпти. Кўплаб мамлакатлар каби Ўзбекистонда ҳам карантин билан боғлиқ чекловлар асосан апрель ойига тўғри келяпти ва май ойида ҳам давом этиши эҳтимоли анча катта», деди бош вазир ўринбосари.
