Фуқаролар Давлат солиқ қўмитасига аввалгидан кўра камроқ мурожаат қилмоқда
Давлат солиқ қўмитасининг "Ишонч телефони" ва "Қўнҳироқлар маркази"га аҳолидан келиб тушаётган мурожаатлар сони камайган. Республиканинг учта вилоятидан бошқа ҳудудларга нисбатан кўпроқ мурожаат тушган.
7/24 тартибида ишловчи Давлат солиқ қўмитаси “Ишонч телефони” ва “Қўнғироқлар маркази” (Call-center)га аҳолидан келаётган мурожаатлар назоратга олиниб, улар асосида ўрганиш ва тегишли назорат тадбирлари олиб борилмоқда.
Давлат солиқ қўмитаси тақдим этган маълумотларга кўра, “Ишонч телефони” ва “Қўнғироқлар маркази” (Call-center)га келиб тушаётган мурожаатлар сони камайиб бормоқда.
Масалан, ўтган ҳафта чоршанба ва пайшанба (8-9 апрель) кунлари 980 та мурожаат келиб тушган бўлса, шанба ва якшанба (11-12 апрель) кунлари улар сони 761 тани ташкил этди.
Самарқанд, Қашқадарё ва Тошкент вилоятлари аҳолиси бошқа ҳудудларга нисбатан кўпроқ мурожаат қилган.
