“Daryo porti” tashqi iqtisodiy faoliyat bojxona postida 751 tonna kartoshka mahsulotlari rasmiylashtirildi
“Daryo porti” tashqi iqtisodiy faoliyat bojxona posti Afg‘oniston va O‘zbekiston davlatlari o‘rtasida Amudaryo orqali yuk tashuvida suv transporti va ularda tashilayotgan tovarlarni bojxona nazorati va rasmiylashtiruvidan o‘tkazishga ixtisoslashtirilgan bo‘lib, hozirda aholining eng muhim zaruriy va birlamchi tovarlari bo‘lgan kartoshka, shakar, guruch, sarimsoq piyoz kabi mahsulotlar tez fursatlarda ichki bozorlarga yetkazib bermoqda.
Joriy yilning o‘tgan davri mobaynida “Daryo porti” tashqi iqtisodiy faoliyat bojxona postida 751 tonna kartoshka, 112 tonna guruch, 10 tonna sarimsoqpiyoz mahsulotlari qisqa muddatlarda “erkin muomalaga chiqarish” bojxona rejimiga rasmiylashtirilib, ichki bozorlarga tarqatildi.
Bundan tashqari, mavjud vaziyatni inobatga olgan holda yana 20 turdagi tovarlar (13 turdagi oziq-ovqat, 7 turdagi gigiyena mahsulotlari) importiga 2020 yilning so‘ngiga qadar bojxona boji va aksiz solig‘idan imtiyozlar joriy etildi.
