“Toshkent-Kiyev” avia va "Toshkent-Xarkov" temir yo‘l qatnovi tiklanishi mumkin
O‘zbekiston-Ukraina biznes forumi doirasida “Toshkent-Kiyev-Toshkent” yo‘nalishi bo‘yicha havo qatnovini yo‘lga qo‘yish masalasi muhokama qilindi.
Kiev shahrida o‘tkazilgan O‘zbekiston-Ukraina biznes forumi doirasida “Toshkent-Kiyev-Toshkent” yo‘nalishi bo‘yicha havo qatnovini hamda "Toshkent-Xarkov-Toshkent" temir yo‘l liniyasini tiklash masalasi ko‘rib chiqildi. Bu haqda Investitsiyalar va tashqi savdo vazirligi axborot xizmati xabar qildi.
Forum doirasida joriy yilning bahorida Toshkent shahrida o‘tkazilishi rejalashtirilgan O‘zbekiston-Ukraina hukumatlararo komissiyasining navbatdagi yig‘ilishi bilan bog‘liq bo‘lgan masalalar ham ishlab chiqilgan va bo‘lajak tadbir kun tartibiga kiritish uchun ikki tomonlama hamkorlikning ustuvor yo‘nalishlari belgilab olingan.
Shuningdek, tadbirkorlarni qo‘llab-quvvatlash, bojxona va tariflarni tartibga solish, veterinariya-sanitariya talablarini va o‘simliklar karantinini uyg‘unlashtirish borasida o‘zaro munosabatlar sohalarida masalalarni hal etish bo‘yicha kelishuvlarga erishilgan.
