O‘zbekiston 11 ta mamlakatga karam eksport qildi
Joriy yilning 9 oyi davomida eksport qilingan karamlarning asosiy qismi Surxondaryo viloyati hududiga to‘g‘ri kelmoqda. Eng ko‘p karam eksporti Qozog‘iston va Rossiya davlatiga amalga oshirilgan.
Davlat statistika qo‘mitasi ma’lumotlariga ko‘ra, 2020 yilning 9 oyi davomida O‘zbekiston 11 ta xorijiy mamlakatlarga qiymati 18, 4 mln. AQSh dollariga teng bo‘lgan karam eksport qilgan.
O‘zbekiston eng ko‘p karam eksport qilgan davlatlar:
- Qozog‘iston – 8,7 mln.
- Rossiya – 8,1 mln.
- Qirg‘iz Respublikasi – 524,5 ming
- Ukraina – 518,5 ming
- Belarus – 475,8 ming
- Boshqalar – 94,7 ming AQSh dollari
Ma’lumot o‘rnida, 2020 yilning 9 oyida hududlar orasida Surxondaryo viloyati eng ko‘p ya’ni, qiymati 4 438,5 ming AQSh dollariga teng bo‘lgan karam eksport qilgan. Bu ko‘rsatkich jami karam eksportining 24,1 % ni tashkil etadi.
