Ўзбекистон 11 та мамлакатга карам экспорт қилди
Жорий йилнинг 9 ойи давомида экспорт қилинган карамларнинг асосий қисми Сурхондарё вилояти ҳудудига тўғри келмоқда. Энг кўп карам экспорти Қозоғистон ва Россия давлатига амалга оширилган.
Давлат статистика қўмитаси маълумотларига кўра, 2020 йилнинг 9 ойи давомида Ўзбекистон 11 та хорижий мамлакатларга қиймати 18, 4 млн. АҚШ долларига тенг бўлган карам экспорт қилган.
Ўзбекистон энг кўп карам экспорт қилган давлатлар:
- Қозоғистон – 8,7 млн.
- Россия – 8,1 млн.
- Қирғиз Республикаси – 524,5 минг
- Украина – 518,5 минг
- Беларусь – 475,8 минг
- Бошқалар – 94,7 минг АҚШ доллари
Маълумот ўрнида, 2020 йилнинг 9 ойида ҳудудлар орасида Сурхондарё вилояти энг кўп яъни, қиймати 4 438,5 минг АҚШ долларига тенг бўлган карам экспорт қилган. Бу кўрсаткич жами карам экспортининг 24,1 % ни ташкил этади.
