"Lola va kabob" festivalida havo sharida tekinga uchishingiz mumkin
Qashqadaryoda o‘tkaziladigan "Lola va kabob" festivalida 20ta havo shari uchiriladi. Festival ishtirokchilari ushbu sharlarda 5 daqiqa bepul uchushlari mumkin.
O‘zbekiston Gastronomik Turizmi assotsiatsiyasi va O‘zbekiston Aeronavtika Federatsiyasi o‘rtasida o‘zaro hamkorlik memorandumi imzolangan.
100 nafar Xalqaro toifadagi xorijlik havo shari uchuvchilari keladi
O‘zaro hamkorlikning ilk bosqichi sifatida, aprel oyida Qashqadaryo viloyati G‘uzor tumanida o‘tkaziladigan "Lola va kabob" festivalida 100 nafar Xalqaro toifadagi xorijlik havo shari uchuvchilari "Lola va kabob" festivalining ochilish marosimida 20ta havo sharida uchishlari kutilmoqda.
Shou tarzida tomosha ko‘rsatiladi
Parvoz davomida shou tarzida tomosha ko‘rsatishlari, shuningdek, festival ishtirokchilari havo sharlarida 5 daqiqa davomida bepul parvoz etishlari uchun sharoit yaratilishi kutilmoqda.
Hamkorlikda boshqa loyihalar ham amalga oshiriladi
Assotsiatsiyasi va Federatsiya o‘rtasidagi o‘zaro hamkorlik orqali kelajakda Gastromomik festivallarda havo sharlari uchirilishini yo‘lga qo‘yish va boshqa bir qator loyihalarni amalga oshirish ko‘zda tutilgan.
