Birlamchi bozordan xonadon sotib olish uchun qaysi banklarga murojaat qilish lozim?
Birlamchi bozordagi ko‘p kvartirali uylardan xonadon sotib olish istagida bo‘lgan fuqarolar yangi tartibga ko‘ra ipoteka kreditlari olish uchun 14 ta tijorat banklariga murojaat qilishlari mumkin.
Markaziy bank birlamchi bozordan uy sotib olish istagida bo‘lgan fuqarolar ipoteka kreditini qaysi banklar orqali olishlari mumkinligi haqida ma’lumot berdi.
O‘zbekiston Respublikasi Prezidentining 2019 yil 28 noyabrdagi PF-5886-sonli Farmoniga asosan, birlamchi bozordagi ko‘p kvartirali uylardan xonadon sotib olish istagida bo‘lgan fuqarolar yangi tartibga ko‘ra ipoteka kreditlari olish uchun ushbu tijorat banklariga murojaat qilishlari mumkin:
- Milliy bank;
- Xalq bank;
- Asaka bank;
- Aloqa bank;
- Sanoatqurilish bank;
- Ipoteka bank;
- Qishloq qurilish bank;
- Ipak yo‘li bank;
- Hamkor bank;
- Agro bank;
- Mikrokredit bank;
- Turon bank;
- Kapital bank;
- Oriyent finans bank.
