Prezident Toshkent shahri va poytaxt viloyatida o‘lim ko‘paygani sababli yig‘ilish o‘tkazmoqda
Ayni vaqtda Shavkat Mirziyoyev raisligida koronavirus infeksiyasining poytaxt va Toshkent viloyatida keng tarqalishi hamda dorilarning narxlari asossiz oshayotgani yuzasidan videoselektor yig‘ilishi o‘tmoqda.
Ayni paytda O‘zbekiston Respublikasi Prezidenti Shavkat Mirziyoyev raisligida videoselektor yig‘ilishi o‘tmoqda. Kun tartibida - Toshkent shahri va poytaxt viloyatidagi keskin sanitar-epidemiologik vaziyat.
Yig‘ilishga sabab – keyingi paytda ushbu hududlarda kuzatilayotgan koronavirus infeksiyasining yangi to‘lqini va o‘lim holatlarining ko‘payishi, shuningdek, aholi tomonidan tibbiy xizmatlar tezkorligi va sifati hamda dorixonalarda tibbiyot mahsulotlari narxining asossiz oshayotgani bo‘yicha ko‘plab murojaat va shikoyatlar tushayotgani.
