Президент Тошкент шаҳри ва пойтахт вилоятида ўлим кўпайгани сабабли йиғилиш ўтказмоқда
Айни вақтда Шавкат Мирзиёев раислигида коронавирус инфекциясининг пойтахт ва Тошкент вилоятида кенг тарқалиши ҳамда дориларнинг нархлари асоссиз ошаётгани юзасидан видеоселектор йиғилиши ўтмоқда.
Айни пайтда Ўзбекистон Республикаси Президенти Шавкат Мирзиёев раислигида видеоселектор йиғилиши ўтмоқда. Кун тартибида - Тошкент шаҳри ва пойтахт вилоятидаги кескин санитар-эпидемиологик вазият.
Йиғилишга сабаб – кейинги пайтда ушбу ҳудудларда кузатилаётган коронавирус инфекциясининг янги тўлқини ва ўлим ҳолатларининг кўпайиши, шунингдек, аҳоли томонидан тиббий хизматлар тезкорлиги ва сифати ҳамда дорихоналарда тиббиёт маҳсулотлари нархининг асоссиз ошаётгани бўйича кўплаб мурожаат ва шикоятлар тушаётгани.
