OKMK da sof palladiy olishga erishildi
Dunyo bozorida 1 grammi 67 dollarga baholanayotgan palladiy O‘zbekistonda birinchi bor yuqori tozalikdagi 99,00% sof kukun shaklida olindi.
Platinadan 7,3 foizga qimmat yuradigan bu nodir metallni O‘zbekistonda Olmaliq kon-metallurgiya kombinati tashabbusi va ilmiy tadqiqotlari tufayli birinchi bor yuqori tozalikdagi 99,00% sof kukun shaklida olishga erishildi. Bu haqda kombinatning axborot xizmati ma’lum qildi.
Bugun dunyo bozorida 1 grammi 67 dollarga baholanayotgan palladiy ishlab chiqarish sanoati yildan yilga sohaviy tarzda takomillashib bormoqda. Bu metall asosan tibbiyot, xususan, stomatologiya sohasida, elektronika, mashinasozlik va kimyoviy ishlab chiqarish tarmoqlarida keng qo‘llaniladi.
