May oyidan boshlab “Yagona reyestr” orqali kam ta’minlangan oilalarga ijtimoiy nafaqalar to‘lanadi
Hukumat qarori bilan “Aholini ijtimoiy muhofaza qilish tizimini idoralararo elektron o‘zaro hamkorlikni qo‘llagan holda takomillashtirish chora-tadbirlari to‘g‘risida”gi qarorga o‘zgartirishlar kiritildi.
Hukumatning tegishli qaroriga asosan “Ijtimoiy himoya yagona reyestri” axborot tizimini (“Yagona reyestr” AT) joriy etish va ushbu tizim orqali kam ta’minlangan oilalarga ijtimoiy nafaqalar berish va tayinlashni tajriba tariqasida 2019 yilning 1 oktyabridan boshlab Sirdaryo viloyatida amalga oshirish belgilangan edi.
Kiritilgan o‘zgartirishlarga ko‘ra, Sirdaryo viloyatida kam ta’minlangan oilalarga 2019 yil 1 oktyabrgacha tayinlangan ijtimoiy nafaqalar 2020 yil 1 mayga qadar Kam ta’minlangan oilalarga ijtimoiy nafaqalar va moddiy yordam tayinlash va to‘lash tartibi to‘g‘risidagi nizomda belgilangan tartibda, 2020 yil 1 maydan boshlab esa “Yagona reyestr” AT orqali to‘lanishi belgilandi.
