23 martdan boshlab O‘zbekistonda to‘y va boshqa ommaviy tadbirlarni o‘tkazish ta’qiqlanadi
O‘zbekistonda koronavirusning tarqalishini oldini olish maqsadida to‘y-hashamlar, oilaviy tantanalar va shunga o‘xshash ommaviy tadbirlarni o‘tkazish ta’qiqlanadi. Bundan tashqari bir qancha ob’yektlar va xizmat faoliyatlari to‘xtatiladi.
Koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha respublika maxsus komissiyasining navbatdagi majlisi qaroriga muvofiq, barcha hududlarda 21 martdan boshlab, bir qator ob’yektlar va xizmatlar faoliyati to‘xtatilmoqda.
O‘zbekistonda 9 ming nafardan ziyod kishi karantinga olingan
Xususan:
- ko‘ngil ochar ob’yektlar (shu jumladan, tungi klublar, diskoteka);
- spa va massaj salonlar;
- choyxona va oshxonalar (uyga eltib berish xizmati bundan mustasno);
- karaoke, bilyard zallari, chilim (kalyan) markazlari;
- kompyuter o‘yinlari xizmatini ko‘rsatuvchi tadbirkorlik faoliyati turlari.
Shuningdek, 23 martdan boshlab, to‘y-hashamlar, oilaviy tantanalar, ma’raka va marosim singari ommaviy tadbirlar o‘tkazilishi bekor qilinadi. Ushbu marosimlarni zarur bo‘lgan taqdirdagina ixcham holda, yaqinlari bilan birga 10-15 kishi ishtirokida o‘tkazish tavsiya etiladi.
