12 та банк жисмоний шахсларнинг кредит тўловларини кечиктирди

Коронавирус тарқалишининг олдини олиш мақсадида Ўзбекистондаги 12 та банк томонидан жисмоний шахсларга ажратилган барча кредитлар бўйича тўлов жадвалига асосан 2-3 ой муддат кейинга кўчирилмоқда.

Жисмоний шахсларнинг кредит тўловларини 3 ойгача кечиктирган банклар 9 тага етди

Фоиз тўловлари вақтида амалга оширилмаганлиги учун белгиланган барча пеня тўловлари ва жарима бекор қилинди. Фоиз тўловлари карантин даври тугаганидан сўнг амалга оширишилиши мумкин.

Карантин муддати узайтирилган тақдирда, кўрсатилган муддат тугаганидан кейин, мижоз кечиктирилган тўловни узайтириш учун банк билан боғланиш ҳуқуқига эга.

1 апрель ҳолатига кўра, аҳолининг 100 млн. сўмдан кам бўлган барча кредит (овердрафт, онлайн микроқарз, суд жараёнидаги кредитлар бундан мустасно) тўловлари бўйича таътил эълон қилган банклар рўйхати:

1. Ўзсаноатқурилишбанк;
2. Асакабанк;
3. Туронбанк;
4. Алоқабанк;

   

   Кредит тўловларини қайтаришга қийналган қарздорларга "таътил" берилади

5. Ҳамкорбанк;
6. Миллийбанк;
7. Агробанк;
8. Микрокредитбанк;
9. ZiraatBank;
10. Халқ банки;
11. InfinBank;
12. Ипотекабанк.

Ушбу банклар жисмоний шахслар учун кредит шартномасига бир томонлама ўзгартириш киритишмоқда ва кредитлар бўйича 2-3 ойлик имтиёзли давр беришмоқда.