Yangi tartib asosida ipoteka krediti va subsidiya olishda qaysi banklarga murojaat qilsa bo‘ladi?
14 ta bankning Qoraqalpog‘iston Respublikasi, viloyatlar va Toshkent shahri hududida joylashgan barcha filiallariga Davlat xizmatlari agentligi yoki Yagona interaktiv davlat xizmatlari portali orqali krediti va subsidiya olish uchun murojaat qilish mumkin. Banklar ro‘yxati quyida keltirilgan.
Markaziy bank matbuot xizmati aholidan tushgan quyidagi: "Yangi tartib asosida ipoteka krediti va subsidiya olishda qaysi banklarga murojaat qilsak bo‘ladi?", degan savol yuzasidan izoh berdi.
O‘zbekiston Respublikasi Prezidentining 2019 yil 28 noyabrdagi PF–5886-sonli Farmoni ijrosi yuzasidan ishlab chiqilgan “Aholiga ko‘p kvartirali uylardagi kvartiralarni sotib olish uchun bozor tamoyillari asosida ipoteka kreditlari ajratish konsepsisi”ga asosan belgilangan muvofiqlik mezonlariga javob beruvchi 14 ta bankning Qoraqalpog‘iston Respublikasi, viloyatlar va Toshkent shahri hududida joylashgan barcha filiallariga Davlat xizmatlari agentligi yoki Yagona interaktiv davlat xizmatlari portali orqali murojaat qilishingiz mumkin.
