Toshkentda issiqlik ta’minotiga haq to‘lash tartibi o‘zgartiriladi
Isitish davrining bir kuniga 1 kv.m isitish maydoni uchun tarif 142 so‘m miqdorida belgilandi.
Toshkent shahrida markazlashtirilgan issiqlik ta’minoti xizmatlari uchun iste’molchilar bilan hisob-kitoblar isitish davrining har bir kuniga 1 kv.m isitiladigan maydon hisobida to‘lash tizimiga o‘tkaziladi. Bu haqda “Toshissiqquvvati” matbuot xizmati xabar qildi. Bu O‘zbekiston Prezidentining 2019 yil 2 dekabrdagi tegishli qaroriga muvofiq amalga oshiriladi.
“2020-2021 yillar isitish mavsumidan boshlab, markazlashtirilgan issiqlik ta’minoti xizmatlari uchun iste’molchilar bilan hisob-kitob, isitish davrining bir kuniga isitish maydonining 1 kv.m uchun hisob-kitob to‘lov tizimiga o‘tkaziladi”, deyiladi xabarda.
Qayd etilishicha, isitish davrining bir kuniga 1 kv.m isitish maydoni uchun tarif 142 so‘m miqdorida belgilandi.
Isitish mavsumining boshlanishi Toshkent shahar hokimining qarori bilan belgilanadi. Qolgan tariflar avvalgi darajada qoladi.
