Sentyabr oyining ilk haftasida ham dollar kursi ko‘tarildi
Markaziy bank 3 sentyabrdan xorijiy valyutalarning o‘zbek so‘miga nisbatan yangi qiymatini belgiladi. Joriy haftada yapon iyenasidan boshqa barcha valyuta kurslari ko‘tarildi.
Markaziy bank bergan xabarga ko‘ra, 3 sentyabrdan 1 AQSh dollarining rasmiy kursi 7,21 so‘mga ko‘tarilib, 10 270,08 so‘mni tashkil qildi. Yevro 126,61 so‘mga ko‘tarilib, 12 231,67 so‘m bo‘ldi.
Eslatib o‘tamiz, 25 avgustdan 1 AQSh dollarining rasmiy kursi 16,16 so‘mga ko‘tarilib, 10 262,87 so‘mni tashkil qilgan, yevro 28,07 so‘mga pasayib, 12 105,06 so‘m bo‘lgan edi.
