O‘zbekiston Rossiyadan yangi elektrovozlar sotib oldi
Elektrovozlar quvvati 9840 kVt/soatni tashkil etadi. Harakatdagi minimal tezlik - 49,9 km/soat, eng yuqori tezlik - 110 km/soat.
17 iyul kuni "O‘zbekiston temir yo‘llari" davlat konserni Rossiyadan yangi elektrovozlarni olib keldi. Bu haqda kompaniya matbuot xizmati xabar qildi.
"Toshkent-Markaziy" vokzalida "Yermak" tipidagi ikkita yangi uch seksiyali elektrovoz, MULTI TASKER KRC 1200UZ rusumli ko‘p funksiyaga ega kranli mexanizm hamda TEM2-6606 rusumli lokomotiv namoyish etildi.
Elektrovozlar quvvati 9840 kVt/soatni tashkil etadi. Harakatdagi minimal tezlik - 49,9 km/soat, eng yuqori tezlik - 110 km/soat.
Taqdimot marosimida, shuningdek, "O‘zbekiston temir yo‘llari" AJ lokomotiv parkidagi yangilangan (modernizatsiya qilingan) ikkita lokomotiv ham taqdim etildi.
"Ular depodagi birinchi kapital ta’mirdan chiqqan poyezdlar sanaladi", deydi elektrovoz haydovchisi Vostreykin Vladimir.
