“Яширин иқтисодиёт” улуши қисқартирилади

Вазирлар Маҳкамасининг Ўзбекистон Республикасида “Яширин иқтисодиёт” улушини қисқартириш чора-тадбирлари тўғрисидаги қарори қабул қилинди.

Қарорга асосан, қуйидаги устувор йўналишларни назарда тутувчи “Яширин иқтисодиёт” улушини қисқартириш чора-тадбирларини амалга ошириш бўйича “йўл харитаси” тасдиқланди:

• иқтисодиётда хуфиёна айланмани қисқартиришга қаратилган таркибий ўзгаришларни амалга ошириш;
• иқтисодиёт соҳалари ва тармоқларида рақамли технологияларни кенг жорий этиш ва маркировкалаш;
• иқтисодиётда нақд пулсиз ҳисоб-китоблар ҳажмини ошириш;
• банк хизматларининг оммабоплигини ошириш;
• “яширин иқтисодиёт” субъектларини аниқлаш механизмларини такомиллаштириш;
• ташқи савдода “яширин иқтисодиёт” улушини қисқартириш бўйича самарали тизимни жорий этиш;
• “яширин иқтисодиёт” улушини қисқартириш бўйича кенг тарғибот-ташвиқот ишларини ташкил қилиш.