UzAuto Motors: Ўзбекистонда илк бор автокредитни онлайн тарзда уйдан туриб расмийлаштиринг
Кредит ставкаси дастлабки бадал пулига боғлиқ. Бошланғич бадални кўпроқ тўлаганлар, кредит бўйича фоиз ставкасини камроқ тўлайди.
UzAuto Motors компанияси Инфинбанк билан ҳамкорликда харидорларга автокредитни онлайн режимда расмийлаштиришни таклиф қилмоқда. Бу ҳақда компания матбуот хизмати хабар қилган.
"Кредит ставкаси дастлабки бадал пулига боғлиқ бўлиб, бошланғич пулингиз қанча кўп бўлса, кредит бўйича фоиз ставкангиз шунча кам бўлади", дейилади хабарда.
Кредитлар Spark, Nexia, Lacetti, Tracker, Malibu, шунингдек, Trailblazer автомобилларини харид қилиш учун тақдим этилмоқда.
35% бошланғич тўлов амалга оширган тақдирингизда фоиз ставкаси қуйидаги автомобиллар учун 23,9% ташкил қилади:
- Spark 3 позиция АТ — муддати 24 ой
- Nexia 3 позиция АТ— муддати 24 ой
- Lacetti 1 позиция — муддати 30 ой
- Lacetti 1 позиция с ГБО — муддати 30 ой
- Trailblazer — муддати 36 ой
- Tracker MT/AT ва Malibu 1,5 автомобиллари учун бошланғич тўлов 25%, кредит муддати 36 ой.
50 фоизгача бошланғич тўлов амалга оширилган тақдирда қуйидаги автомобиллар учун фоиз ставкаси йиллик 18% ташкил қилади, кредитлаш муддати 24 ой:
- Spark 3 позиция АТ — бошланғич тўлов 50%
- Nexia 3 позиция АТ— бошланғич тўлов 50%
- Lacetti 1 позиция — бошланғич тўлов 50%
- Lacetti 1 позиция с ГБО — бошланғич тўлов 50%
- Trailblazer — бошланғич тўлов 50%
- Tracker MT/AT ва Malibu автомобиллари учун бошланғич тўлов 40% ташкил қилади.
