Умумий овқатланиш соҳасини қўллаб-қувватлаш тўғрисидаги Президент фармони лойиҳаси тайёрланди
Лойиҳада солиқ имтиёзларини узайтириш, кафе ва ресторанларга ёзги терасларини жойлаштириш тартибини жорий этиш ҳамда муассасаларга куну тун ишлашга рухсат бериш режалаштирилмоқда.
Умумий овқатланиш соҳасини қўллаб-қувватлаш тўғрисидаги Президент фармони лойиҳаси ишлаб чиқилди. Бу ҳақда Ўзбекистон Савдо-саноат палатаси матбуот хизмати.
Ҳужжатда, жумладан, 2020 йил охирига қадар қуйидагиларни амалга ошириш кўзда тутилмоқда:
- бир қатор солиқ имтиёзларини узайтириш;
- ёлланма ишчилар сонини кўпайтириш;
- умумий овқатланиш ёзги терасларини жойлаштириш тартибини жорий этиш;
- умумий овқатланиш ва бошқа кўнгилочар муассасаларнинг иш вақтини 24 соатгача узайтириш ва бошқалар.
Ташкилотга ресторан бизнеси ва умумий овқатланиш соҳасида фаолият юритаётган бир қатор тадбиркорлар ушбу соҳани қўллаб-қувватлаш учун инқирозга қарши чоралар кўришга ёрдам бериш бўйича мурожаат қилишган.
Ҳозирда лойиҳа тадбиркорлар ва ССП жамоат экспертизаси ишчи гуруҳи таклифларини ҳисобга олган ҳолда такомиллаштирилмоқда.
