Ўзбекистонга келиб тушган трансчегаравий пул ўтказмалари 217 млн. долларга камайди
Марказий банк матбуот хизмати Ўзбекистонга келиб тушган трансчегаравий пул ўтказмалари ҳажми, чет элга юборилган трансчегаравий пул ўтказмалари миқдори тўғрисида маълумот берди.
Республикамизга келиб тушган трансчегаравий пул ўтказмалари ҳажми 3 млрд. долларни ташкил этиб, ўтган йилнинг мос даврига нисбатан 217 млн. долларга ёки 7 фоизга камайди, деб хабар бермоқда Марказий банк матбуот хизмати.
Чет элга юборилган трансчегаравий пул ўтказмалари миқдори 516 млн. долларга етиб, ўтган йилнинг мос даврига нисбатан 47 млн. долл. ёки 8 фоизга камайди.
Натижада трансчегаравий пул ўтказмалари бўйича ижобий сальдо 2,5 млрд. долларга етиб, ўтган йилнинг мос даврига нисбатан 170 млн. долларга (ёки 6 фоизга) камайди.
