Ўзбекистон илк бор Польша ва Тожикистонга лимон экспорт қилди
Ўзбекистон ўтган йилга нисбатан жорий йилда 2 500 тонна кўп лимон экспорт қилди. Энг кўп экспорт Россия ва Қозоғистонга амалга оширилган.
Ўзбекистонда жорий йилнинг ўтган 10 ойи давомида 7,2 миллион АҚШ доллари қийматидаги 5992 тоннадан ортиқ лимон экспорт божхона режимига расмийлаштирилди.
Мазкур йилда 2019 йилнинг айнан шу даврига нисбатан юртимиздан 2500 тонна кўп лимон экпорт қилинган бўлиб 72 фоизга ўсишга эришилди.
Давлат божхона қўмитаси маълумотларига кўра, лимоннинг 45 фоизи Россияга ва 24 фоизи Қозоғистонга экспорт қилинган.
Шунингдек, жорий йилда лимоннинг экспорти Афғонистонга 3,6 баробарга ва Украинага 3,3 баробарга ортган.
Мазкур йилдан илк бора юртимиздан Польша ва Тожикистонга лимон экспорти йўлга қўйилди.
