Элмира Боситхонова: Бугунгача 208 нафар ҳомиладор аёлларимизда коронавирус аниқланди
Элмира Боситхонова АОКА ҳузуридаги штабда ўтказилаётган матбуот анжуманида COVID-19 инфекциясидан шу кунгача қанча аёл ва боллалар касаллангани ҳақида маълум қилди.
Соғлиқни сақлаш вазири ўринбосари Элмира Боситхонова АОКА ҳузуридаги штабда ўтказилаётган матбуот анжуманида айрим фактларни келтириб ўтди:
«Биз карантин даврида, яъни беш ой давомида 3 мингдан ортиқ ҳомиладор аёлларни карантинга олдик. Уларнинг 208 нафарида коронавирус аниқланди. Ушбу инфекциянинг ҳомиладор аёл ва унинг ҳомиласига қандай таъсир кўрсатишини ортиқча таърифлашга ҳожат йўқ.
Бугунги кунгача 45 мингдан ортиқ болаларимиз карантинда бўлди. 328 нафар бола эса афсуски, коронавирус билан касалланди. Мана вазият қандай жиддий».
