Uzbekistan Airways хорижий компания бошқарувига берилиши режалаштирилмоқда
Рақобатни кучайтириш учун фуқаро авиацияси бозорига янги ташувчилар жалб қилиниб, Uzbekistan Airways нуфузли хорижий компания бошқарувига берилади.
Ўзбекистон Президенти Шавкат Мирзиёев 25 май куни транспорт соҳасининг барқарор ишлашини таъминлаш ва изчил ривожлантириш масалалари бўйича йиғилиш ўтказди.
«Қамчиқ» довонида «Тошкент-Андижон» пуллик автомобиль йўли қурилади
Йиғилишда янгича шароит ва талаблар асосида транспорт соҳасининг барқарор ишлашини таъминлаш масалалари муҳокама қилинди.
Транспорт вазирлигига Uzbekistan Airways ва Uzbekistan Airports акциядорлик жамиятларини пандемия таъсиридан олиб чиқиш бўйича бизнес модель ишлаб чиқиш вазифаси қўйилди.
Европа—Хитой йўналишида юк ташиш бозорига кириш орқали қўшимча даромад олиш, жорий ва инвестициявий харажатларни оптималлаштириш бўйича топшириқлар берилди.
Рақобатни кучайтириш учун фуқаро авиацияси бозорига янги ташувчиларни жалб қилиш, Uzbekistan Airways’ни нуфузли хорижий компания бошқарувига бериш масаласи кўриб чиқилди.
Аэропортларни модернизация қилиш, Андижон, Бухоро, Урганч ва Қарши халқаро аэропортларини давлат-хусусий шерикликка бериш бўйича тендер эълон қилиниши белгиланди.
