Транспортнинг барча турларида халқаро йўналишларда йўловчи ташиш қанча муддатга тўхтатилиши айтилди
Коронавируснинг тарқалишини олдини олиш мақсадида барча турдаги транспорт воситаларида халқаро йўналишда йўловчи ташиш 20 март кунидан бошлаб тўхтатилади. Ушбу чеклов ташқи савдо юкларига нисбатан қўлланилмайди.
Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссияси қарорига кўра, Ўзбекистон Республикаси транспорт вазирлиги 2020 йилнинг 20 март кунидан эътиборан халқаро йўналишларда автобус, енгил автомобиль, темир йўл ва ҳаво транспортлари орқали йўловчи ташувлари 40 кун муддатга тўхтатилишини маълум қилади.
Барча авиа ва автомобиль қатновлари тўхтатилади
Ушбу чеклов, автомобиль, авиа, темир йўл, дарё транспортларида амалга оширилаётган юк ташувлари ва ташқи савдо юкларига нисбатан қўлланилмайди.
