Шавкат Мирзиёев Сардоба туманига етиб борди
Сардоба сув омбори дамбасидан сув чиқиши натижасида сув омбори яқинидаги қишлоқлар аҳолиси эвакуация қилинмоқда. Президент ҳолат билан танишиш мақсадида Сардоба туманига ташриф буюрди.
Бугун, 1 май куни тонгда Сирдарё вилоятидаги Сардоба сув омбори дамбасидан сув чиққан. Ҳозирда Фавқулодда вазиятлар вазирлиги ва бошқа тегишли ташкилотлар томонидан тезкор чора-тадбирлар кўрилмоқда. Хусусан, сув омбори яқинидаги қишлоқлар аҳолиси эвакуация қилинмоқда.
Президент Шавкат Мирзиёев зудлик билан Сирдарё вилояти Сардоба туманига етиб борди.
Вазият тўлиқ назоратга олинган, саросимага тушишга асос йўқ.
