Ўзбекистондан енгил автомобиллар экспорти асосан Қозоғистонга амалга оширилган
10 ой ичида автомобил экспорти 66,8 фоизга ошган бўлиб, 50,9 млн долларни ташкил қилган. Қозоғистонга 11 048 дона автомобил экспорти амалга оширилган.
Мамлакатимиздан 2020 йилнинг 10 ойида чет элга 127,2 млн. АҚШ доллари қийматидаги 13 310 дона енгил автомобил экспорт қилинган.
Енгил автомобил экспорти ўтган йилнинг мос даврига нисбатан 50,9 млн. АҚШ долларига яъни 66,8 % га ошган. Ўзбекистон енгил автомобиллари асосан Қозоғистонга (11 048 дона) экспорт қилинган.
Ўзбекистон енгил автомобиль экспорт қилган давлатлар:
- Қозоғистон – 109,8 млн. АҚШ доллари
- Украина – 6,4 млн. АҚШ доллари
- Озарбайжон – 6,2 млн. АҚШ доллари
- Россия – 2,2 млн. АҚШ доллари
- Тожикистон – 1,2 млн. АҚШ доллари
- Бошқа давлатлар – 1,4 млн. АҚШ доллари
Маълумот ўрнида, 2020 йилнинг 10 ойида мамлакатимизга 392,8 млн. АҚШ доллари қийматидаги 22 228 дона енгил автомобил импорт қилинган.
