Ўзбекистондан жорий йил январь-октябрь ойларида қандай маҳсулотлар импорт қилингани ҳақида маълумот берилди
2020 йил январь-октябрь ойларида Ўзбекистон импортининг ҳажми 16,7 млрд долларни ташкил қилган.
Ўзбекистон экспортининг 43,5% улушини олтин ташкил қилади. Бу ҳақда Давлат статистика қўмитасининг 2020 йил январь-октябрь ойлари давомидаги ташқи савдо айланмаси ҳақидаги маълумотида келтирилган.
Сўнгги икки ой давомида олтин экспорт қилинмаган бўлса-да, жами 13,3 млрд долларни ташкил қилган экспорт ҳажмининг 5,8 млрд доллар қисми олтин экспортига тегишли. 2018 йилнинг шу даврида бу кўрсаткич 15,1 фоизга, 2019 йилда эса 28,1 фоизга тенг бўлган.
Январь-октябрь ойлари бўйича Ўзбекистон импортининг ҳажми 16,7 млрд долларни ташкил қилиб, шундан 25,3 млн доллар олтин импортига тўғри келади.
Бу вақт оралиғидаги экспорт ҳажмининг энг катта қисмини олтин эгаллаган бўлса, импортнинг 37,8 фоиз улушини машиналар ва транспорт асбоб-ускуналар ташкил қилган.
