Нарзулла Обломуродов: Мораторий даврида 188 943 туп дарахт ва буталарни кесишга рухсат сўралган мурожаатлар келиб тушди
11 ой давомида табиатга 9 787,2 млн сўм миқдорида зарар етказилган. Бу ҳақда АОКАда ўтган матбуот анжмунида маълум қилинди.
АОКАда ўтган матбуот анжмунида Экология ва атроф-муҳитни муҳофаза қилиш давлат қўмитаси раисининг биринчи ўринбосари Нарзулла Обломуродов мораторий давридаги ишлар ҳақида ахборот берди:
Мораторий даврида жисмоний ва юридик шахслардан жами 4018 та (10 ойлик ҳолатига) мурожаат келиб тушган, мурожаатларда 188 943 туп давлат ўрмон фондига кирмайдиган дарахт ва буталарни кесишга рухсат сўралган.
Шунингдек, 20 ноябрь ҳолатига кўра, жами қонунбузарликлар сони 3 897 та, белгиланган жарима — 4 316,1 млн сўмни ташкил этиб, шундан 2 757,4 млн сўми ундирилган.
Табиатга етказилган зарар — 9 787,2 млн сўмни ташкил этиб, шундан 2 942,4 млн сўми ундирилган.
Ундирилмаган жарима ва табиатга етказилган зарарни ундириш мақсадида 338 та ҳолат бўйича (6 913,1 млн сўм) тўпланган ҳужжатлар тегишли органларга (суд, прокуратура, МИБ, ИИБ) киритилган.
17 та ҳолат бўйича қонунбузарлик содир этган шахсларга жиноий иш қўзғатилган.
