# Қурилиш соҳаси
Қурилиш материаллари саноатида амалга оширилаётган инвестицион лойиҳалар
Юртимизда барча соҳаларда эришилган ютуқларга назар ташлаш, сарҳисоб қилиш анъанага айланиб улгурди. Шу ўринда иқтисодиётимизнинг муҳим жабҳаларидан бири бўлган қурилиш соҳасида қилинаётган ишлар, кеча ва бугуни ҳақида Иқтисодий тадқиқотлар ва ислоҳотлар марказий эксперти Алишер Халмурзаев ҳамма учун қизиқ бўлган таҳлилларини келтирди.
Қурилиш соҳасига оид ислоҳотлар
Президентимизнинг ПҚ-4525-сонли қарорида қурилиш учун рухсатномалар бериш, электр таъминоти тизимига уланиш, кўчмас мулкни рўйхатдан ўтказиш, кредит бериш ҳамда тўловга қобилиятсизликни ҳал этиш йўналишларидаги ислоҳотларнинг амалиётга татбиқ этилиши етарли эмаслиги натижасида “Бизнес юритиш” йиллик ҳисоботи тегишли индикаторлари бўйича мамлакатнинг рейтингдаги ўрни пастлигича қолаётганлиги қайд этиб ўтилган.