Валюта курслари кетма-кет кўтарилишлардан сўнг, бу ҳафта пастлади
Марказий банк 16 июндан хорижий валюталарнинг ўзбек сўмига нисбатан янги қийматини белгилади. Жорий ҳафтада доллар, евро, рубль, қозоқ тенгиси ва Хитой юани ҳам тушди. Фақатгина Япон иенаси курсида кўтарилиш кузатилди.
Марказий банк берган хабарга кўра, 1 АҚШ долларининг расмий курси 1,29 сўмга пастлаб, 10 151,90 сўмни ташкил қилди. Евро 31,91 сўмга тушиб, 11 424,95 сўм бўлди.
Эслатиб ўтамиз, 9 июндан 1 АҚШ долларининг расмий курси 4,88 сўмга кўтарилиб, 10 153,19 сўмни ташкил қилган, Евро 194,27 сўмга кўтарилиб, 11 456,86 сўм бўлган эди.
