Ва ниҳоят хушхабар: АҚШ олимлари коронавирусни батамом блокловчи антитаначани аниқлашди
Антитаначанинг таъсир кўрсатиш принципи у вирусни “қоплаб олиб“, организмдан чиқариб юборади.
АҚШдаги Sorrento Therapeutics биофармацевтик компанияси тадқиқотчилари коронавирусни батамом блокловчи ва уни инсон организмидан уч кун ичида чиқариб юборишга қодир антитаначани аниқладилар. Бу ҳақда Fox News телеканали эфирида компания асосчиси Генри Жи маълум қилди.
Мутахассислар кўплаб антитаначаларни тадқиқ қилдилар. Хулосаларга кўра, STI-1499 номли антитанача инсон ҳужайраларини коронавирусдан ҳимоялаши мумкин. Антитаначанинг таъсир кўрсатиш принципи у вирусни “қоплаб олиб“, организмдан чиқариб юборишидан иборат.
“Бу дори эканини таъкидлаймиз. 100% фойда берадиган ечим топилди”, — деган Генри Жи.
