Тадбиркорлар учун янгилик: Шаҳрисабзда “Марказий экспорт бозори” ташкил қилинди
Деҳқон ва фермер хўжаликлари ҳамда экспортёрлар бозорнинг ўзида барча турдаги маҳсулотларни экспорт қилиш имконига эга бўлишади. “Марказий экспорт бозори” ҳафта давомида ишлайди.
Шаҳрисабз шаҳрида 700 ўринга мўлжалланган “Марказий экспорт бозори” ташкил қилинди, деб хабар бермоқда Review.uz'га Ўзбекистон экспортчилар уюшмаси матбуот хизмати.
Экспортчилар учун муҳим янгилик: Фарғонада «мини экспорт бозори» ташкил этилди
"Мазкур бозорни ишга туширишдан мақсад, шу ернинг ўзида барча турдаги маҳсулотларни экспорт қилиш, шунингдек, экспорт бозорига ташриф буюраётган ишлаб чиқарувчилар, деҳқон ва фермер хўжаликлари ҳамда экспортёрларга енгиллик яратишдан иборатдир", дейилади хабарда.
Таъкидлаш жоизки, “Марказий экспорт бозори”нинг ишга тушиши нафақат Шаҳрисабз шаҳрининг, балки Қашқадарё вилояти ҳамда республика иқтисодий салоҳиятининг ўсишига, экспорт ҳажмининг кескин ошишига хизмат қилади. Бу эса ўз ўрнида фермер ва деҳқон хўжаликлари раҳбарларига иқтисодий кўмак бўлиб, эндиликда улар етиштирган қишлоқ хўжалик маҳсулотларини четга экспорт қилиш учун ортиқча оворагарчиликка йўл қўймайдилар. Бу билан даромадларининг маълум қисмини тежаб, экспорт улушидан яхшигина фойда олишлари мумкин.
