Шавкат Мирзиёев ва Режеп Таййип Эрдоған рафиқалари ҳамроҳлигида Туркия Президенти ҳузуридаги Халқ кутубхонаси фаолияти билан танишди.
Бу муҳташам кутубхона бугун очилган эди, Президентимиз ва рафиқаси унинг биринчи фахрий меҳмонлари бўлишди.
Ноёб китоблар кўргазмаси намойиш этилди.
Туркия Президенти давлатимиз раҳбарига шундай нодир асарлардан бирини совға қилди.
Туркия Президенти ҳузуридаги Халқ кутубхонасининг очилиш маросимида Шавкат Мирзиёев ва Зироат Мирзиёева иштирок этди. Ўзбекистон Президенти кутубхона фондига 350 дан зиёд турли мавзудаги китобларни совға қилди.
Туркияда бўлиб турган Ўзбекистон Президенти Шавкат Мирзиёев бугун Анқарада Туркиянинг етакчи компания ва банк раҳбарлари билан учрашди.
Қабул маросимида икки мамлакат жамоат арбоблари қатнашди.
Музокаралар якунида Ўзбекистон Президенти Шавкат Мирзиёев ва Туркия Президенти Режеп Таййип Эрдоған Стратегик ҳамкорлик кенгашининг биринчи йиғилиши натижалари тўғрисида қўшма баёнотни имзоладилар.