Ўзбекистонда Ягона ижтимоий реестр жорий этилади
Ягона ижтимоий реестр орқали барча ижтимоий ёрдам бир хил мезон ва бир хил ҳужжат асосида берилади.
Ўзбекистонда эҳтиёжманд аҳоли билан ишлашда янги, шаффоф ва адолатли тизимни йўлга қўйиш мақсадида Ягона ижтимоий реестр жорий этилади. Бу ҳақда 2020 йилнинг 4 август куни имзоланган Ўзбекистон Республикаси Президенти Қарорида назарда тутилган.
Мазкур тизим йил якунига қадар барча ҳудудларда босқичма-босқич жорий этилади.
Ягона ижтимоий реестр орқали барча ижтимоий ёрдам бир хил мезон ва бир хил ҳужжат асосида берилади.
Ижтимоий нафақа олувчилар сони босқичма-босқич оширилади:
▪️ ҳозирда 600 минг;
▪️ 2020 йил охиригача 1 млн 200 мингга;
▪️ 2021 йилда 1 млн 500 минг нафарга етказилади.
— 2021 йил 1 январдан бошлаб кам таъминланган оила мақомини олиш учун фуқаролар кўплаб ҳужжатлар йиғиб овора бўлмайди.
— Эҳтиёжманд оилаларга 30 турдаги ижтимоий ёрдам ва хизматлар қулай тарзда тақдим этилади.
