Мўйноқда дезинфекция ишлари олиб борилмоқда
Мўйноқ туманининг одамлар гавжум бўлган жойлар – “Дехқон бозори”, 6 та кўп қаватли уйлар, 5 та кўча, 50 дан ортиқ давлат ва нодавлат идоралари объектлари жами 10 тоннага яқин хлорли эритма махсус тўртта «MAN» ва «ISUZU» пуркагичли автомашиналар билан дезинфекция қилинди.
Коронавирус касаллиги тарқалишининг олдини олиш барча тизим вакилларидан бирдамлик ва ҳамжиҳатликда ҳаракат қилиш талаб этилади.
Ушбу тамойилга амал қилган ҳолда Қорақалпоғистон Республикаси Мўйноқ тумани ҳудудида фаолият юритаётган Президент Халқ қабулхонаси, Фавқулотда вазиятлар бошқармаси, Санитария-эпидемиологик осойишталик маркази, Ички ишлар бошқармаси, Миллий гвардия ва мудофаа бўлинмлари ҳамда тиббиёт бирлашмаларидан мутахассис ва ходимлардан иборат гуруҳлар тузилиб, жойларда кучайтирилган назорат ўрнатилди. Узлуксиз равишда белгиланган чора-тадбирлар амалга ошириб келиняпти.
Хусусан, 19 июль куни 50 дан зиёд шахсий таркиб ҳамда қатор махсус техника жалб этилган ҳолда туман бўйлаб кенг қамровли дезинфекция ишлари ўтказилди. Мўйноқ туманининг одамлар гавжум бўлган жойлар – “Дехқон бозори”, 6 та кўп қаватли уйлар, 5 та кўча, 50 дан ортиқ давлат ва нодавлат идоралари объектлари жами 10 тоннага яқин хлорли эритма махсус тўртта «MAN» ва «ISUZU» пуркагичли автомашиналар билан дезинфекция қилинди.
Шу билан бир қаторда, Президент Халқ қабулхонаси ҳамда Фавқулотда вазиятлар бўлими ходимлари махсус техника ва ускуналар ёрдамида аҳолига карантин қоидалари ҳақида, уларга амал қилиш бўйича кенг тушинитириш ишларини олиб борди.
