Марказий банк ушбу ҳафта учун валюта курсларини эълон қилди
Марказий банк 9 июндан хорижий валюталарнинг ўзбек сўмига нисбатан янги қийматини белгилади. Жорий ҳафтада доллар, евро, рубль, қозоқ тенгиси ва Хитой юани ҳам кўтарилди. Фақатгина Япон иенаси курсида пастлаш кузатилди.
Марказий банк берган хабарга кўра, долларнинг расмий курси 4,88 сўмга кўтарилиб, 10 153,19 сўмни ташкил қилди. Евро 194,27 сўмга кўтарилиб, 11 456,86 сўм бўлди.
Эслатиб ўтамиз, 2 июнда долларнинг расмий курси 9,01 сўмга кўтарилиб, 10 148,31 сўмни ташкил қилган, Евро 210,75 сўмга кўтарилиб, 11 262,59 сўм бўлган эди.
