Жисмоний шахслар томонидан банклардан 3,3 млрд. доллар сотиб олинган
Жорий йилда жисмоний шахслар томонидан 3,7 млрд. АҚШ доллари банкларга сотилган.
Жорий йилнинг январь-октябрь ойларида жисмоний шахслар томонидан банкларга сотилган чет эл валютаси миқдори 3,7 млрд. АҚШ долларини ташкил этиб, аввалги йилнинг мос даврига нисбатан 25 фоизга ёки 744 млн. долларга ошди, деб хабар бермоқда Марказий банк матбуот хизмати.
Жисмоний шахслар томонидан банкларда сотиб олинган валюта ҳажми эса 3,3 млрд. долларга тенг бўлиб, ушбу кўрсаткич ўтган йилнинг мос даврига нисбатан 2,7 баробар ошди (2019 йилнинг мос даврида – 1,2 млрд. долл.).
Бунда ушбу маблағларнинг 79 фоизи аҳоли томонидан валюта айирбошлаш шохобчалари орқали нақд кўринишда ҳамда 21 фоизи ёки 687 млн. долл. муқобил тартибда (онлайн конверсия, автоматлаштирилган айирбошлаш банкоматлари ва ҳоказо) харид қилинган.
Натижада ушбу операциялар бўйича ижобий сальдо (соф таклиф) 350 млн. долларга етди.
