29 апрель куни ИИВ матбуот котиби 30 апрелдан бошлаб шахсий автомобиллардан белгиланган вақт оралиғида рухсат берилгани ҳақида маълум қилди.
Фуқароларга шахсий автомобилларидан эрталаб 7:00 дан 10:00 гача ҳамда 17:00 дан 20:00 гача фойдаланишга рухсат берилади. Бу ҳақда ИИВ матбуот котиби Шохруҳ Ғиёсов маълум қилди.
Бунда ишга бориш-келиш, шифохона, дори-дармон харид қилиш асосий мақсад бўлиши керак.
Ўзбекистонда санитария-эпидемиология хизматида ишлайдиган 11 минг ходимнинг иш ҳақи 2,5 бараварга оширилди.
29 апрель куни тошкентлик 61 ёшли бемор ўткир респиратор дисстрес синдром, ўткир нафас етишмовчилиги, ўпка-юрак етишмовчилигидан вафот этди.
30 апрелдан бошлаб, белгиланган вақт оралиғида шахсий ва хизмат енгил автотранспорт воситалари йўловчилар билан бирга, шу жумладан велосипед ва мототранспортларда махсус рухсатномасиз ҳаракатланишга рухсат берилди.
Бирлашган Миллатлар Ташкилотининг Ўзбекистондаги доимий координатори Хелена Фрейзер ва Европа хавфсизлик ва ҳамкорлик ташкилоти лойиҳасининг Ўзбекистондаги доимий координатори Джон Макгрегор Жиззах вилоятининг Пахтакор туманида Президент Халқ қабулхонаси бошчилигида “Обод қишлоқ дастури доирасида бунёд этилган “Олтинкўл” маҳалласидаги янги турар жой массиви билан танишди.